O Centro de Alerta Temperá sobre Virus e Seguridade Informática de Red.es vén de desenvolver unha nova sección que se dedica expresamente á detección de programas espía en Internet. Grazas a ela, di Red.es, os internautas poderemos escanear os nosos equipos e localizar estas infeccións, que adoitan a rexistrar os nosos movementos en Rede con fines (normalmente) lucrativos. Ademais, non será preciso instalar aplicación algunha, só un subprograma ActiveX. Cómpre sinalar que estes programas ós que combate o Centro de Alerta Antivirus, tamén chamados spyware, recompilan datos dos nosos computadores para logo envialos a algunha empresa xeradora de publicidade on line.
: 